Hizkuntzak
Neuroteknologiak: giza garuna ulertu eta konpontzeko bidean Aitzol García-Etxarri
![Greg Dunn & Brian Edwards Self Reflected. 2014-2016](/imgs/noticias/2024/01-urtarrila/STM_cerebros_hitzaldiak_HANDIA.jpg)
Hitzaldi honetan neuroteknologiaren oinarriez eta neuroeskubideez arituko da Aitzol García-Etxarri Ikerbasqueko ikerlaria.
Neuroteknologiak garuneko jarduera irakurtzeko eta manipulatzeko gai diren metodoak dira. Oso urte gutxitan, teknologia horien bidez, zientziak mugarri handiak lortu ditu, hala nola ELA gaitza duen paziente bat inkomunikaziotik ateratzea, edo itsutasun mota oso zehatz bat duten pazienteei ikusmenaren zati bat itzultzea.
Gaur egun, terapia horiek aplikatzeko (esperimentalak badira ere), ebakuntza oldarkorrak egin behar zaizkie pazienteei. Garunean gailu mikroelektronikoak jarri behar zaizkie; neuronen jokabidea irakurtzeko eta beraien portaera aldatzeko gai direnak. Gauza bera modu ez-inbaditzailean lortzeko bidean, hau da, garezurretik kanpo jardungo duten gailuen erabilera lortzeko, mundu mailako ekimen ugari daude.
Neuroteknologia eta neuroeskubideen inguruko hitzaldia izango da. Neuroeskubideak teknologia horiek har ditzaketen bide ilunetatik babesteko giza eskubideen deklarazio unibertsalari gehitu nahi zaizkion 5 eskubide berri dira.
Garuna(k) erakusketarekin lotutako jarduera.
Oharra
Hitzaldi hau streaming bidez eskainiko da.
Zuretzat interesgarriak izan daitezkeen beste ekitaldi batzuk...
-
Aske surfeatu, aske sentitu, aske disfrutatu eta gustora jardun
uztailak 11
Pentsamendua eta gogoeta