Esne Beltza

17 urteko ibilbidea egin ondoren, Esne Beltza – euskal musika eszenako talde adierazgarrienetako bat – Saguesko agertokian aurkeztuko da, bere ibilbide luzean jarraitu dieten milaka lagunei agur esateko. Xabi Solano buru duen taldeak urtebetez zuzeneko emanaldiak egingo ditu bere ibilbideari amaiera emateko eta eszenatokiak presarik gabe utziko ditu. Bide batez, "Esne Bidea" disko berria aurkeztuko dute eta, aldi berean, beren betiko arrakastak gogoratuko dituzte.

Bere letretan konprometituta, fusioaren aldeko apustua egin du beti Esne beltza taldeak; ska, rap, tex mex, rumba, rock… beti egon dira beren konposizioetan, non ezin baitzen falta euskal musika herrikoiaren eragin nabarmena. Haren azken diskoa horren erakusgarri da: mestizajea, aniztasuna eta hainbat artistaren lankidetza, ibilbide zabalari amaiera bikaina emateko.