Hiria ez zaigu agortzen! Maider Oleaga

Zinemagintzan kokalekuak funtsezkoak dira. Horien aukeraketa ez da soilik erabaki funtzionala, kontatu nahi den istorioaren eta zinemagilearen ikuspuntuaren islak baitira. Horregatik, ikastaro honetan lokalizazioen aukeraketa egiteko gakoak eskainiko ditugu.

Programa
● Hiria miatzen ikasiko dugu zinemagilearen begi eta belarriekin.
● Hiria zeharkatuko dugu lokalizazio esanguratsuak aurkitzeko.
● Hainbat film zati ikusiko eta aztertuko ditugu kokapenen ikuspuntutik.
● Zinemagilearen begiradaren eta kokapenen arteko harremana aztertuko dugu.
● Praktika gisa, ikus-entzunezko postalak eraikiko ditugu. Irudi eta soinuz sortutako gutunak, norbaiti zuzendutakoak eta gure hirian filmatuak.