Aste Nagusiak gazteenak gastronomiarekin gozatzera animatzen ditu

2023 uztailak 5 • 11:20

Hilabete besterik ez da falta Aste Nagusia eta, horrekin batera, lehiaketa gastronomiko herrikoiak iristeko.

Duela gutxi sortu da “Familan Sukaldatzen” lehiaketa gastronomikoa. 2023an bigarren edizioa egingo da, Eroskiren babesarekin eta BCC Culinary Club eta CC Garberaren laguntzarekin. Lehiaketa 2-4 lagunez osatutako taldeei zuzenduta dago. Horietatik % 50, gutxienez, 8-14 urtekoak izango dira, eta gainerakoak, 1 edo 2 pertsona, 14 urtetik gorakoak.

Izen-ematea online egin daiteke iadanik (https://astenagusia.donostiakultura.eus/eu/parte-hartu), dagokion formularioa betez edo Eroski supermerkatuetan, uztailaren 21a baino lehenago.