Hizkuntzak
Poltsiko Antzerkia Sorkuntzaren XIII. proiektu deialdia
O Prentsa-oharra
2022 uztailak 4 • 14:40
Poltsiko Antzerkiaren alorrean euskarazko sorkuntzak bultzatzeko XIII. proiektu deialdia jarri da martxan. Proiektuak aurkezteko epea 2022ko uztailaren 4an abiatu eta irailaren 16an amaituko da. Bi proiektu aukeratuko dira: irabazleak 1.500 euro jasoko ditu; finalistak, berriz, 1.200 euro. Saritutako lanak hurrengo Poltsiko Antzerki Jaialdiaren barruan estreinatzeko eta antzezteko konpromisoa hartuko dute irabazleek eta finalistek (4 emanaldi bakoitzak).
Gainera, proiektu irabazleak 2.500 euro jasoko ditu (gordinak eta zergak barne) Poltsiko Antzerki Jaialdian egin beharreko lau emanaldien truke. Finalistak 2.000 euro (gordinak eta zergak barne) jasoko ditu. Era berean, sormen-proiektuak gauzatzeko, kultur etxeek abenduan zehar espazioak utziko dituzte aukeratutako antzezlanak muntatzeko.
Donostia Kultura da antolatzailea, Donostiako Udaleko Euskara Zerbitzua eta Euskal Herriko Antzerkizale Elkartearen laguntzaz.
Informazio guztia beheko loturetan:
- XIII. Poltsiko Sorkuntza: oinarriak (pdf)
- XIII. Poltsiko Sorkuntza: eskabidea (pdf)
- Informazio gehiago: Poltsiko Antzerkia Sorkuntzaren XIII. proiektu deialdia (albistea)
Kontaktua Kultur Ekintza (Komunikazioa)
