Hizkuntzak
Albisteak eta oharrak
-
"Artea eta Giza Eskubideak, haur eta gazteen 19. ekitaldia" erakusketa irekita Victoria Eugenia Antzokian
Giza Eskubideen 20. Zinemaldiko Artea eta Giza Eskubideak, haur eta gazteen 19. ekitaldia erakusketa irekita egongo da apiririlak 21etik 28ra Victoria Eugenia Antzokian (sarrera Okendo plazatik).
-
"Tetuán – Kanpoaldea/Barnealdea-eguna" erakusketa irekita Udal Liburutegi Nagusian
Giza Eskubideen 20. Zinemaldiko Tetuán – Kanpoaldea/Barnealdea-eguna erakusketa irekita egongo da apirilak 20tik maiatzera 6ra Udal Liburutegi Nagusian (Alderdi Eder).
-
"Malala ikasle ausarta" erakusketa Aiete Kultur Etxean
Donostiako Giza Eskubideen 20. Zinemaldiaren testuinguruan, Donostia Kulturak Malala ikasle ausarta erakusketa aurkezten du. Bertan, Malala Yousafzai Bakearen Nobel saridun eta nesken hezkuntzaren eta emakumeen berdintasunaren aldeko aktibistaren bizitza eta lana ezagutzeko aukera dago.
-
Liburuaren Nazioarteko Egunean azoka eta jarduerak Gipuzkoa plazan
Apirilaren 23an, igandea aurten, Liburuaren Nazioarteko Eguna ospatuko da eta Donostia Kulturak Liburu denden elkartearekin batera, azoka antolatuko du Gipuzkoa plazan, goizeko 9:15etatik iluntzeko 20:00etara. Haur zein helduentzako ekitaldi ugari izango dira aurtengoan ere.
-
“90 berriak” erakusketarekin lotutako jarduerak hasiko dira aste honetan
Etzi, apirilak 19, hasiko dira 90 berriak erakusketari buruzko jarduerak Odile Kruzetaren hitzaldiarekin. Jarduera hauen bidez 90eko hamarkadako artean eta gizartean sakontzeko aukera edukiko du bisitariak.
-
Ibiltariaren Asteak lau hitzordu ditu Intxaurrondon apirilaren 24tik 28ra
Intxaurrondoko Ibiltariaren Asteak 29. edizioa beteko du aurten eta lau hitzordu izango ditu Intxaurrondo Kultur Etxean. Haizalde Elkartearekin batera antolatutako hitzaldiak arratsaldeko 19:30ean hasiko dira. Sarrera librea izango da edukiera bete arte.
-
Giza Eskubideen 20. Zinemaldia programa konprometitu batekin dator
Justizia unibertsala, abortatzeko eskubidea, Ukraina eta etxegabetasuna izango dira besteak beste filmen eta solasaldien gaietako batzuk apirilaren 21etik 28ra izango den eta hiriko zenbait lekutan erakusketak barnean hartu dituen zinemaldi honetan.
-
Metamorphosis Dance apirilean Victoria Eugenian
Iratxe Ansa eta Igor Bacovich-ek gidatzen duten Metamorphosis Dance konpainiak bi emanaldi ditu apirilaren 13an (Prisma) eta 15ean (CreAcción) Victoria Eugenia Antzokian. Gainera, bi entsegu ireki eta topaketa bat egongo dira bi koreografoekin.
-
Urgull mendiko eskaintza Aste Santuan
Aste Santuko opor garaian, apirilaren 3tik 16ra, San Telmo Museoak, Cristina Enea Fundazioak eta Donostiako Liburutegi Sareak Urgull mendiko hiru zentroak zabalduko dituzte: Liburutegia, Natur Txokoa eta Historiaren Etxea. Eskaintzak entretenimendua, kultura eta ingurumena uztartzen ditu eta hiriaren historia, haur eta gazteentzako tailerrak, jolasak, ipuin kontaketa eta abar bildu ditu.
-
2023ko Aste Santuko ordutegia Donostia Kulturako guneetan
Hona hemen Donostia Kulturaren guneetako ordutegia apirilaren 3tik 16ra bitartean. 2022-2023 ikasturtean zehar ohiko den ordutegiarekin hainbat aldaketa dago.
-
"Dantzaz ele. Jantziak", San Telmo Museoko erakusketa berria
San Telmo Museoak Dantzaz ele. Jantziak erakusketa aurkeztu du, martxoaren 28tik apirilaren 23ra klaustroan eta elizan ikusgai izango dena. Proposamenak 2018an museoak hasitako ildoari ematen dio jarraipena; izan ere, Aste Santuko oporraldian San Telmok tradizioekin lotutako programazioa eskaintzen du, Atzokoak gaur tituluarekin, aurreko urteetan lihoaren, artzaintzaren eta saskigintzaren ingurukoa. Aurtengo egitarauak Ipar Euskal Herriko dantza tradizionalei eman die protagonismoa, Maritzuli Konpainiaren eskutik datorren erakusketa honekin.
-
San Telmoren bilduma EMSIMEn, handitzen
Azken urtebetean, ia 6.000 lan berri igo dira plataformara. Gehienak museoaren argazki-funtsarekin lotutakoak dira; zehazki, Antton Elizegiren eta Koch familiarenarekin.
-
Martxoak 27, Antzerkiaren Nazioarteko Eguna
Datorren astelehenean, martxoak 27, Antzerkiaren Nazioarteko Institutuak 1961. urtean sortu zuen Antzerkiaren Nazioarteko Eguna ospatuko da, eta aurtengo mezua Egipton jaiotako Samiha Ayoub interpreteak idatzi du (euskarazko itzulpena: Iñaki Iñurrieta). Egun horretako ospakizunen barne, XXIII. Donostia Antzerki Sariko gala antolatu da Victoria Eugenia Antzokian.
-
2023ko Aste Nagusiko VI. Zurriola Street Food: izena aurretik ematea parte-hartzaileak hautatzeko
Aste Nagusia 2023ren harira (abuztuak 12-19, biak barne), Donostia / San Sebastián Festak-ek VI. Zurriola Street Food antolatuko du Kursaal Kongresu jauregiko Erizainen plazan. Ferian parte hartzeko eskaera egin dezakete kalean elikagaiak egin, saldu eta/edo sustatzen dituzten pertsona fisikoek zein juridikoek, food truck delakoak erabiltzen badituzte horretarako.