Aiete Kultur Etxea

2022an, Aiete Kultur Etxeak bere ohiko martxa hartu zuen, ahal zen neurrian, zentroko langileen, erabiltzaileen eta elkarteen lankidetzari esker, eta topaguneak sortu zituen, bai eta jardueren eta zerbitzuen eskaintza bere onera itzultzea lortu ere.

Aieten, protagonista izan ziren, batetik, Kultur Etxearen beraren eta auzoaren dinamikak, eta bestetik, hiriko jaialdi eta jardueretan sortu eta handik eratorritako eskaintza ere, Donostia Kulturak ekoitzi eta auzoetara zabaltzen dena.